Vestfold damebunad modell 1956, i farge raud/svart
Vestfold 1956-modellen blei presentert i 1956, og er ei revidert utgåve av 1932-modellen. Ein kan velge mellom raud eller grøn vest. Det som skil bunadane er at 1956-modellen har forkle og silkelue.
Ein kan velge mellom to ulike materiale til forkle: Vevd forkle med striper i ull som er frå Stokke eller brodert kvitt forkle i bomull som er frå Haugberg i Andebu. Cape utan broderi er ytterplagg.
Til denne bunaden er det kvite strømper og svarte bunadsko.
Produktbeskriving
-
Kjole/stakk på biletet
Kjolen/stakken er laga i kanvasvevdullstoff. Stakken er svart og vesten er i raudt ullklede. Den har ullband rundt ermehol og rundt halsopning. Nedst på skjørtet er det ei raudtvinna ullsnor og ein innfelt grøn kant. Ei bandbredde opp er det sydd på eit ullband med gult og raudt mønster.
-
Forkle
Det er to ulike forkle å velge mellom:
Art. 21312-B26-110: Kvitt forkle i 100% bomull med handbroderi langs kanten nede.
Art. 21312-200616: Blått forkle med striper, maskinvevd.
-
Belte
Gult ullband med raudt mønster, same band som er sydd fast nede på skjørtet, blir bruka som belte. Ei sølvspenne blir festa som lås.
-
Veske
Veska er svart i same materiale som stakken og kanta med ein grøn bise i same farge som vesten.
-
Lue
Lua er i svart silkebrokade kanta med raudt silkeband og kvite blonder. Lua blir knytt med svart silkeband.
-
Skjorte
Kvit skjorte i lin med brodering på krage og mansjettar og langs kantane på opninga i front.
-
Cape
Capet har liggande krage og er laga i same materiale som stakken. Den er fôra med raud ullkanvas. Øm ønskeleg kan ein også velge å snu capet slik at det raude stoffet kjem ut.
